هل لديك الشجاعة على التصريح بأسوأ طبع فيك((للصريحين فقط))

[•»Miss ksa«•]

هل لديك الشجاعة والقدرة على التصريح بأسوأ طبع فيك؟

اذا كان الحديث عن اطباعنا الحلو ة وصفاتنا الخيالية فحدث ولا حرج في اسهابنا في الحديث عن أنفسنا ....
بعضنا بطرق مباشرة جدا مثل...
انا طيب...انا حبيب...انا كريم....انا عمري ما جرحت انسان...انا موضوعي ....انا اراعي مشاعر الاخرين....انا حلو...انا باقيلي طبع واحد واصير كامل الاوصاف ...انا اكثر صفة حلوه فيني اني كلي على بعضي حلو....الخ
وطرق غير مباشرة مثل...
يقولوا الناس اني حلو....يقول اصحابي اني شخصية محبوبة كثير....انا مو عارف شنو سر انجذاب الناس لي ...اصحابي ما يجتمعون الا اذا كنت انا بينهم....قد ما يجرحوني الناس بس ماادري ليش مااقدر اجرحهم ...الخ
واذا كان مديح النفس مبغوض الى حد كبير لماذا يتعدى الحدود فبالمقابل يمكن ان يكون مقبولا ومغضوض البصر عنه في بعض الحالات بل ربما يكون محببا اذا لم يتجاوز الحد ..
.
ولكن....!!!
من منا يستطيع ان يغربل صفاته واطباعه ليعرف اطباعه وصفاته الـ(مو حلوة) وفي رواية اخرى المشينة مرة
وهنا بالتحديد فيه شي مهم جدا ...ان فيه ناس حتى وهي تريد تعترف تحاول ايضا ان تمدح نفسها مثل .....
انا اكثر عيب عندي
اني اسامح الناس بسرعــه انا اكثر شي اكرهه اني شديد الأنفعال.
...الـــــ,ــــ,ــــ,ــخ

وهكذا ..

مين الي عنده الشجاعة يعترف بصراحة باكثر طبع مو زين فيه ....واللي يتمنى بنفسه يتخلص منه ؟؟
و الحين كل عضو يقــــول الي عنده وياليـت تكون بصراحه
شفت الموضوع في أحد المنتديات وحبيت أطرحه عليكم.. ليبدي كلن صراحتـه

[شحرورة]

اول شي يعطيج العاافيه على موضوعج الجرئ

واذا بتكلم عن اسوء طبع فيني راح اتكلم بكل صراحه مطلقه لان الانسان لا يخلو من العيوب

والله ما خلق احد كامل القضيه مو قضيه الاعتراف بالطبع السئ وانما على الانسان ان يكون عارف هذا العيب فيه ويحول انه يصلحه

واما بالنسبه حقي فا عندي اطباع سيئه تزعجني وتزعج غيري واتمنى اني اتخلص منها

اول شي عندي سالفه التطنيش بشكل مو طبيعي يعني مثلا صديقتي دزلي مسج

تطلب مني شغله اسويها انا اطنش ولا ارد عليهااا لان مالي خلق وهذا يسببلي بعض المشاحنات السلبيه بين بعض

يعني لدرجه انها كل ما دز مسج تقولي الله يخليج لاطنشين وردي على:confused:


اما الطبع الثاني فيني اني بسرعه امل من الشخص يعني احب التغير مثلا اتعرف على صديقات شهرين ثلاثه خلاص بس امل منهم يعني لمن تجيني صديقه جديده اترك اصدقائي القديمين وهكذا كل ما اتعرف على احد ما احب ان العلاقه طول لاني بسرعه امل واغيرهم


وهذا اكثر طبع ما احبه فيني

اتمنى صراحتي ما تغير نظرتكم لي ومثل ما قلت ما في انسان خالي من العيوب
والمهم نقدر نتخلص منها بشي احسن


شكرررا,,,,,,,,

[l o s t]

شفت الموضوع في أحد المنتديات وحبيت أطرحه عليكم.. ليبدي كلن صراحتـه

انا الان اراسلكم من خلف شاشات الكمبيوتر

واستطيع ان ابوح لكم دون اي تردد بعيبوبي كامله فلاً اتردد فهي فرصة لى للاعتراف والاعتراف بالمشكلة اول خطوة لحلها......

فا انا سوف اتشجع وتشجعوء اخواني واخواتي برد على الموضوع

وانا شخصياً اعرف عيبوبي جيداً وحريصاً على معالجة ولكن سوف اكتبها على صفحات المنتدي لكم ..............

ومنها للاسف الاانفعال بسرعة كبير وعدمي تمالكي نفسي بسب اشي تافه للاسف...

التطنيش للاصدقاء عدم الرد على الهاتف الجوال.......

لازم اكون مروق علشان اعرف اتعامل مع الاحولي......

الاستعجال باتخذ القرار ........

هذ ا ربما ماجال بخاطري عند الرد..........

ولا يوجد انسان خالي من العيبوب........

(((((((((((((((((رحم الله امرٍ عرف قدر نفسة ))))))))))))))

لكي التحية والتقدير

اخت

MISS KSA

من


اخوووووووووووووووووووووك


لوووووووووووست

[فــهــوودي]

موضوع حلو .. بسراحه ..

لاكن .. فيهـ اشياء لايحب أن يضرها الشخص أمام الملا ( لانها تكون بينه وبين نفسهـ ) ..

وبسراحه بتحدث عن نفسي ..

أشين طبع فيني ( اللعانهـ )

يعني استلعن على خواتي لين يبكن مثلا << وناسهـ ^_^

أو استعلن على اخوياي اطفشهم اخليهم يكرهون أنفسهم .. أطلع ريحتهم بالعربي ^_^

وأكيد الشي هذا سبب لي مشاكل .. بس بيني وبينك أعتربهـ فلهـ ^_^

لانه هوايهـ فيني خخخ

أكيد ودي اغير هـ الطبع .. لاكن أعتقد خلاص هذا شي من شخصيتي

لايتجزأ مني ..

__ __ __

تكلمت عن أشين طبع عندي بكل واقعيهـ ..

يعطيكـ العافيهـ مس مس . . لاهنتي غلاتي . . بس الخط لك عليهـ ماقدرت أقراه صحـ ^_*

[•»Miss ksa«•]

اول شي يعطيج العاافيه على موضوعج الجرئ

واذا بتكلم عن اسوء طبع فيني راح اتكلم بكل صراحه مطلقه لان الانسان لا يخلو من العيوب

والله ما خلق احد كامل القضيه مو قضيه الاعتراف بالطبع السئ وانما على الانسان ان يكون عارف هذا العيب فيه ويحول انه يصلحه

واما بالنسبه حقي فا عندي اطباع سيئه تزعجني وتزعج غيري واتمنى اني اتخلص منها

اول شي عندي سالفه التطنيش بشكل مو طبيعي يعني مثلا صديقتي دزلي مسج

تطلب مني شغله اسويها انا اطنش ولا ارد عليهااا لان مالي خلق وهذا يسببلي بعض المشاحنات السلبيه بين بعض

يعني لدرجه انها كل ما دز مسج تقولي الله يخليج لاطنشين وردي على:confused:


اما الطبع الثاني فيني اني بسرعه امل من الشخص يعني احب التغير مثلا اتعرف على صديقات شهرين ثلاثه خلاص بس امل منهم يعني لمن تجيني صديقه جديده اترك اصدقائي القديمين وهكذا كل ما اتعرف على احد ما احب ان العلاقه طول لاني بسرعه امل واغيرهم


وهذا اكثر طبع ما احبه فيني

اتمنى صراحتي ما تغير نظرتكم لي ومثل ما قلت ما في انسان خالي من العيوب
والمهم نقدر نتخلص منها بشي احسن


شكرررا,,,,,,,,


الله يعافيج اختي شحرورة
اول شي انا اشكرك على صراحتج في الموضوع وبعدين بالعكس انا اشوف انه التطنيش شي عادي عند الكل وانا اول وحدة اذا مالي خلق مااارد لا بمسج ولا ارد اذا احد دق وبعدين اللي يكون معاك دايم يعرف هالشي فيك يعني((مزاجية))
وثانيا الطبع هذا انك تملين مو حلووو لاني انا بالعكس يعني صديقاتي صعب اغيرهم يعني معاي وحدة من البنات من التمهيدي الي يومك هذا وانا وياها والحمد الله والله يفرقنا بس اقوولك صعب تلاقين شخص يوفي لك ويكون معاك دايم
لك مني اجمل تحية اختي ,,,,,,,
وشرفني حضورك وردك......

[•»Miss ksa«•]

اهلين اخووي لوووست شرفني حضورك وردك وتفاعلك مع الموضوع وصراحتك ,,,,,,

اول شي انك تنفعل بسرعة هذا شي لا ارادي في الانسان بس على الامور التافهه لازم تحاول تروق بالك لان بالعربي((الدنيا ماتسوي ))

والتطنيش انا اشوفها عادي خاصة اذا احد تعود عليك ويعرف طبعك بس يفضل انك تجامل شوي لان الناس يملون وهذا عندي شي مزاجي ...

اكيد مافي انسان يكون مو مروق ويتعامل مع اللي حولة بس في بعض الاحيان تكون مجبور تجامل ,,,,,,

ولك مني جزيل الشكر والاحترام ,,,
ومثل ماقلت مافي انسان خالي من العيوب ,,,,,,

[•»Miss ksa«•]

شرفني تواجدك وردك اخوووي فهوودي ,,,,
وبعدين اللعانة انا اشوفها في ناس كثير بس مو هواية يعني اهبال يكون
واخذها مني مافي احد العن مني بس الحمد الله كبرت وعرفت
وانت فترة وراح تعدي وتقول مس مس قالت ..,,,,,..,,,,,

عالعموم احلي حضور كان ونورت الصفحة اخوووي ولاتنسي بعدين اذا تركت اللعانة تذكرني اووووك .,,,,,.,,,,
وانت لاتحاول تحط في بالك انها هواية بالنسبة لك ,,,,,,,

[طيبتي اكبر همي؟]

موضوع جدا حلو وجهد تشكرين عليه....


ومافي انسان يخلا من العيوب مستحيـــل..


وانا فيني عيوب وصريحه احب اعترف فيها...

اول حاجه...

غيرتي الجنونيه وحب التملك...

ثانيا
والصراحه المطلقه...

ثالثا...

ماحب اجامل..

رابعا...


طيبتي الزايده ...


تقبلي مروري...

[تاج الغلا]

يسلموووووووو على موضوعك الحلو •»Miss ksaوالله يعطيك العافيه


وانا عن نفسي خوافه وطيبتي الزايده عن الزوم

وننتظر جديدك


تقبلي مروري

[حلاوه حمره]

أشكرك على موضووعك الحلووو والصريح.,.

وبالنسبه لي ياااااااااكثر عيوبي بذكر منها اللي اذكره .,.

أول شي العصبيه الزايده وعدم سيطرتي على نفسي وعلى لساني للأسف يعني يصير وسخ بصراحه :( عساكم ماتطيحون فيه بس ههههههههههههه

والتسرع بتخآآآذ القرارات يعني بعد فتره أندم على قرار اتخذته بحياتي.,.

واللي يذبحني طيبة قلبي اللي خلتني اتنازل عن أشياء كثيره.,.

وزعووووووووووله درجه أولى وربي اقل شي يزعلني وممكن ابكي وربي يعني انتبهووو لاتزعلووني :D

واممممم بس... ادري راح تقولون كل عيوب الدنيا فيها .. بس مو مشكله رحم الله امرٍ عرف قدر نفسة على قولة لوووست .,. وانت طلبتو الصراحه .,.

ويعطيك العافيه مس مس وننتظر جديدك.,.
.
..
.
..
.
اختك..

حلاوه حمره

[•»Miss ksa«•]

يسلموو اختي طيبتي اكبر همي ,,
بصراحة شرفني حضورك وردك في موضوعي
واكيد انا عن نفسي مرررة غيووورة واحب اني اكون مالكة كل شي لي لوحدي حتي مع اهلي يعني
,,,,,
والصراحة حلوووة بس مو في كل وقت ,,ويقولون انة الصراحة الراحة ,,,,,

وهذا مو عيب انك ماتجاملين بصراحة احسن ,,,,,,,والطيبة حلووووة بس مو في كل وقت ,,,
تقبلي تحيتي لك اختي ,,,,
واتمني وجودك الدايم ,,,,

[•»Miss ksa«•]

شرفني تواجدك اختي تاج الغلا وبصراحة انا بقولك الخووف بصراحة في بعض الاحيان يكون الخووف عيب بس مو ف كل وقت والطيبة في بعض الناس يستقلونك فيها وتحسينها عيب بس بصراحة الطيبة في بعض الاحيان حلوووة ,,,
تقبل تحيتي لك ,,,, واتمني تواجدك الدايم

[•»Miss ksa«•]

شرفني ردك وتواجدك اختي حلاوه حمررره ,,
اول شي مثل ماقلتي مافي انسان خالي من العيوب ,,بس في عيوب يمكن تتركينها وفي عيوب لو ايش سويتي ماراح تتركينها ,,,,طيب وانتي على عيني وراسي وماعاش من يزعلك في المنتدي كلة ,,,,,
وتقبلي تحيتي لك ,,,

[امير بكلمتي]

مشكور على موضوعك
بنسبة لي اشوف اني متسرع في قرراتي
مائدري هل هو طيبتي الزايدة ام .....
لكن حمد اللة على كل شي
تقبل مروري

اخوك امير بكلمتي

[•»Miss ksa«•]

العفوو احوي امير بكلمتي وتحيتي لك وشرفني حضورك وردك ,,,,,
لازم تجلس وتفكر في قرارك اكثر من مرة قبل ماتتسرع وتندم لافات الفوت ماينفع الصوت طيب,,,,,,
احلي مرور لك اخووي