** يمــــــــه **

[مهستر الله يستر]

يمة
تكفين اسمعيني ...
يمـه بسألك شي ..
جاوبيني ..
هو صحيح اللي مات
داخل القبر يصير حي ...؟؟؟

يــمـــه ...
أسمع أنــا صوتك ..
كل يوم اسمعه ..
واذا حاكيتك هاوشوني ..
قالوا انسي ..
روحي يالله العبي .... !!

يمه تعالي ارجعي ...
والله خلاص بسمع كلامك ..
ما اخرب العابي ..
وان قلتي يالله ..
روحي نامي ..
أروح حتى ماتزعلي ..

يمه تكفين ارجعي ..
اليوم حطت لي المديره ..
نجمه من فوق جبهتي ..
يمه سمعتها تقول..
مسكينه هالبنت صارت يتيمه ..
قالت لها ابله منيره ..
مسكينه توها صغيره ..
وش كانوا يقصدون ..؟
يمكن عشاني صرت عاقله ..
ولا عشاني دايم اسرح



يمه مريولي توسخ ..
ماكان قصدي اوسخه ...
بس تذكرت انك تقولي ..
بعد شهرين..
بشتري لك لبس ثاني ..
يمـه تعالي اشتري ...

يمـه عرفتي مها ..؟
صديقتي اللي معي ..
زاعلتني ..
تقول ماصرت انا اضحّـكها
راحت تدور غيري
عشان تلقى احد يونسهـا



يــمــه
يالله خلاص لاتمزحي
يالله قومي
تعالي معي للبيت ارجعي



يمه يمممه
نسيت شي ..
بقولك ترى بيتنا صار فاضي ..
ماحد يجينا ..
وكل اللي فيه انا واخواني ..
ليه وين اقاربنا ..؟؟
وين خالتي ..
اللي كانت تجينا ...


يمممه قوومي يالله تعالي ..
تكفين يالله تعالي ..
ماودي ارجع لحالي
والله خايفه ..
ترى امس جيتك ..
مارديتي ..
حسبتك نــايمه ..

أو اقولك ..
خلاص خلاص ..
انا بجيك بكرى ..
اذا راحوا من هنا الناس ..
تكفين يمه بكرى اصحي ..
تكفين يمه بكرى ارجعي ..

[dabdo0oba]

يعطيك العافية على هالقصيده

وماقصـــــــــــرت

وخليتنا نصيح وفتحت جروح :(

[أحـَـاسَــيــِسَ]

اخي الغالي مهستر ,,,

فعلا ... فعلا ... فعلا

إبداع ... يتلوه ... إبداع

روائعكـ دائماً مميزة ..

سلمت الأيادي ...

ولا حُرم تواصل مُبدعـ مميز

تقبلى مرورى

أخوكــ أحاسيس

[صادق الاحاسيس]

يعطيك العافيه اخوي مهستر علي الموضوع
الاجمل من رائع
وتقبل مروري

اخوك \صادق الاحاسيس

[طيبتي اكبر همي؟]

يااااااااااااااااااااه وربي تبكي...


اشكرك اخوي عالموضوع والشعر المؤثر ....


تحيااااتي لك...


ننتظر جديدك..

[Majestic]

ذهب الذين أ ُحبهم . . . فـ عليك يادنيا السلإم

أني رضيع وصالهم . . . والطفل يؤلمه الفطام


لا اجد كلام يقال في فقدان الام .. والإ تبعثر الاحرف وصياغه الكلام ..

اكاليل من الورد لـ روح كل أمُ [ طاهره ]

لكَ شكري .. وتقبل مروري ومشاركتي

اخــوك / Majestic

[o_,_ّc l__i_i_i__o_J l]

يمه تعالي ارجعي ...
والله خلاص بسمع كلامك ..
ما اخرب العابي ..
وان قلتي يالله ..
روحي نامي ..
أروح حتى ماتزعلي ..

اخي العزيزز يعطيك الف عافيه علا الجهوود
تسلــم عـــلا الأبــدااع.. وكل الكلمات وتعبيرها جميل
تقبل مروورري