يخب على مثلك حمــــــار القوايل

[طير الشوق]

انتشرت في الاونه الأخيرة رسالة جوال

عن فتاة سعوديه قامت بتوقيعها بـ " سعوديه صابره "

بعد ما شافت سعد بن رفيق الحريري و اعجبت بوسامته.


تقول الرساله :

تفداك يا سعد عتيبة وقحطان
وتفداء عيال الحريري قبايل

يا ليتني معـك في وسط لبنان
ولا شفت ضبان عليها فنايل





فيبدو ان هذا الوصف قد ازعج الشاعر ابن شارخ ... فرد عليها بهذه القصيده ...


قال التميمي من هوى الرأس قيفان
ردٍ علــــى اللـــي حـــــوّقـــت بالمثايل

ياللي تقولين (الحريـــــــري سعيدان)
يسوى القبايل مع عيال الحمايـــــل

اضن فيك العرق ضــــــــارب وعطلان
ويحتاج لــــــــــه وزنه إذا كان مايـــــل

ماجيتي عـــــــــــــاد إلا عتيبة وقحطان
يــــــــــا مقربه بـــــالنار يــــم الفتـــــــايل

هذولا نــــــــــــــــــاس بالجزيرة لهم شان
وتـــــــرعى إبلهم بالحزم والسهــــــايل

تلقينهم يا بنت لا ثــــــــــــــــــــــــار دخان
والهـــــــرج لا خلص وجت الفعـــــايل

من تجربه ما هــــــــــو على قولة فلان
حطهم علـى يمناك وقت الصمايل

ولا هان من يقــــــــــــرأ بيوتي ولا هان
كــــــل البدو واللي سكن يم حايل

أمـــــــــــــا أنتي يا بنية عشيرك بلبنان
تـــرجين من غيـــــــــــم ٍ بعيدٍ مسايل

أتعـــــــــــوذي يا بنت من كل شيطان
يخب على مثلك حمــــــار القوايل





عبدالخالق البعيجان (ابن شارخ)

[نسيتك أنا]

طير الشوق تسلم يديك

وفدينا ذوقك ياشيخ

وابن شارخ صح لسانه وربي انه قالها


تقبل مروري يالاجودي

[الاستشاري مشاري]

أمـــــــــــــا أنتي يا بنية عشيرك بلبنان
تـــرجين من غيـــــــــــم ٍ بعيدٍ مسايل

أتعـــــــــــوذي يا بنت من كل شيطان
يخب على مثلك حمــــــار القوايل


يلوموني فيك ياطير الشوق والله مبدع وتبقى مبدع
ويعطيك العافيه على النقل
تقبل مروري

[الناهي]

طير الشوق


سلمت اناملك على هذه القصيده وصح السان الشاعر ابن شارخ على نخوته وغيرته على عيال القبايل وكثر الله من امثاله


ولك اجمل التحايا


النايف

[طير الشوق]

طير الشوق تسلم يديك
وفدينا ذوقك ياشيخ
وابن شارخ صح لسانه وربي انه قالها
تقبل مروري يالاجودي


اهلين فيك اخوي ،،،،،


فديت هالطله الحلوه ..


والله لا يحرمنا هالتواجد الجميل ..


وصح بدنك بالنيابه عن الشاعر ...




يلوموني فيك ياطير الشوق والله مبدع وتبقى مبدع
ويعطيك العافيه على النقل
تقبل مروري


اهلين فيك مشاري باشا ... نورتنا يا فندم ..


الابداع حضورك ... والامتاع تواجدك ...


يعافيك ربي ...


تسلم على هالمرور العطر ..



طير الشوق
سلمت اناملك على هذه القصيده وصح السان الشاعر ابن شارخ على نخوته وغيرته على عيال القبايل وكثر الله من امثاله
ولك اجمل التحايا
النايف


اهلين فيك اخوي النايف ..


الله يسلمك ويحفظك من كل سوء ..


اجمل التحايا تستحقها اخي الكريم بحضورك وتشريفك ...